වයඹ විශ්වවිද්‍යාලයේ කුලපති මහාචාර්ය ටියුලි ද සිල්වා මහතාගේ එම ධූර කාලය තවත් වසර පහකින් දීර්ඝ කිරීමේ පත්වීම් ලිපිය ඒ මහතා වෙත පිළිගැන්විණි.
ඒ ඊයේ (05) පෙරවරුවේ ජනාධිපති කාර්යාලයේදී ජනාධිපති ගරු මෛතී‍්‍රපාල සිරිසේන මැතිතුමා අතිනි.
එමෙන්ම මොරටුව විශ්වවිද්‍යාලයේ කුලපති මහාචාර්ය කේ. කේ. වයි. ඩබ්. පෙරේරා මහතා ද නැවත වසර පහක් සඳහා එම ධූරයට පත්කෙරුණු අතර ඊට අදාළ පත්වීම් ලිපිය ද ජනාධිපතිතුමා විසින් ඒ මහතා වෙත පිළිගැන්වීය.
