ග්රාම නිලධාරීන් 2500ක් බඳවා ගැනීමේ දෙවැනි අදියර අද(22) අරලියගහ මන්දිර ශ්‍රවණාගාරයේ දී අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් සිදුකරන බව ස්වදේශ කටයුතු අමාත්‍ය වජිර අබේවර්ධන මහතා පවසයි.
ඒ අනුව නව ග්රාම නිලධාරීන් 370 දෙනකු සඳහා පත්වීම් අද ලබාදීමට නියමිතය. එමෙන් ම පරිපාලන ග්රාම නිලධාරීන් බඳවා ගැනීමේ විභාගය සමත්වූ ග්රාම නිලධාරීන් 104 දෙනකුට ද පත්වීම් ලිපි ප්‍රදානය කිරීමට නියමිතය.
ස්වදේශ කටයුතු අමාත්‍ය වජිර අබේවර්ධන මහතා පවසන්නේ ග්රාම නිලධාරීන් බඳවා ගැනීමේ දෙවැනි අදියර යටතේ බඳවා ගැනීම් සිදුකරන්නේ ද කලින් පැවැත්වූ විභාගයේ සහ සම්මුඛ පරීක්ෂණයේ ලකුණු පදනම් කරගෙන බවයි.
