විශේෂ පක්ෂ නායක රැස්විමක් අද(04) පස්වරුවේ පැවැත්විමට නියමිතව තිබේ.
කථානායක කරූ ජයසූරිය මහතාගේ ප්‍රධානත්වයෙන් පස්වරු 03.00ට පාර්ලිමේන්තු සංකීර්ණයේදී මෙම පක්ෂනායක රැස්වීම පැවැත්විමට නියමිතයි.
ඉදිරි දිනවල පාර්ලිමේන්තුවේ කටයුතු පිළිබඳව මෙහිදී සාකච්ඡා කිරිමට නියමිතව තිබේ.
මේ අතර අද පෙරවරු 11.00ට විපක්ෂයේ මන්ත්‍රී කණ්ඩායම විපක්ෂනායක මහින්ද රාජපක්ෂ මහතාගේ ප්‍රධානත්වයෙන් රැස්විමට නියමිත බව පාර්ලිමේන්තු මන්ත්‍රී දිනේෂ් ගුණවර්ධන මහතා සඳහන් කළේය.
බොහෝදුරට අද දිනයේ විපක්ෂනායකවරයා පාර්ලිමේන්තුවේදී විශේෂ ප්‍රකාශයක් සිදු කරනු ඇති බව මන්ත්‍රීවරයා සඳහන් කළේය.
මේ අතර ආණ්ඩුවට එරෙහිව ජනතා විමුක්ති පෙරමුණ ඉදිරිපත් කර ඇති විශ්වාශභංග යෝජනාව කඩිනමික් පාර්ලිමේන්තුවේදී විවාදයට ගැනිමට දින නියම කරන ලෙස කතානායකවරයාගෙන් ඉල්ලීමක් කිරිමට එක්සත් ජාතික පක්ෂය තීරණය කර තිබේ.
පාර්ලිමේන්තු මන්ත්‍රී හර්ෂණ රාජකරුණා මහතා සඳහන් කළේ රිෂාඩ් බදියුදීන් මහතාට එරෙහි ගෙන ආ විශ්වාසභංග යෝජනාව මේ වන විට විවාදයට ගැනිමේ අවශ්‍යතාවක් නොමැති බවයි.
