මෙවර ජනාධිපතිවරණයට අදාළව තැපැල් ඡන්ද සලකුණු කිරීමේ පළමු දිනය අද (31) පස්වරු 4.15ට අවසන් විය.
අද දිනයට අදාළව තැපැල් ඡන්දය ප්‍රකාශ කිරීම සාමකාමීව සිදුකෙරුණු බව මැතිවරණ කොමිෂන් සභාව සඳහන් කළේය.
ජනාධිපතිවරණයට අදාළව තැපැල් ඡන්ද සලකුණු කිරීම හෙටත් සිදුකිරීමට නියමිත අතර පොලීසිය, මැතිවරණ ලේකම් කාර්යාල, දිස්ත්‍රික් ලේකම් කාර්යාල ආදී සේවයේ නියුතු තැපැල් ඡන්ද දායකයින්ට තැපැල් ඡන්ද සලකුණු කිරීම සඳහා වෙන්කර ඇත්තේ නොවැම්බර් 4, 5 යන දෙදිනයි.
එමෙන්ම ඡන්දය ප්‍රකාශ කිරීමට නොහැකි වන තැපැල් ඡන්දදායකයින්ට නොවැම්බර් 7 වනදාද, තම කාර්යාලය පිහිටි දිස්ත්‍රික්කයේ මැතිවරණ කාර්යාලය තුළ ඡන්දය ප්‍රකාශ කිරීමට අවස්ථාව හිමිවන බව මැතිවරණ කොමිෂන් සභාව නිවේදනය කරයි.
