Tuesday, March 19, 2024.

කබීර් කළ රන්මාවත් සංවර්ධන ව්‍යාපෘතියට සිදු වි තිබෙන දේ

Share

හිටපු අමාත්‍ය කබිර් හෂිම් මහතාගේ කාලයේ රන්මාවත් වැඩසටහන වෙනුවෙන් ශ‍්‍රී නිග්‍රෝධාරාම කන්දේ මහා විහාරයට ඇතුලූ විමට නව පාලමක් සකස් කිරිමට රුපියල් කෝටියක මුදලක් වෙන් කර ඇති අතර එහි වැඩ තවමත් සිදු වෙන අතර එම ස්ථානයට සවි කිරිමට දිරා ගිය යකඩ පාලමක කොටස් ගෙනවිත් දැමිම නිසා ප‍්‍රදේශයේ ජනතාවගේ විරෝධතාවය මත මේ වන විට පාලමේ වැඩ තාවකාලිකව නවතා තිබේ.

 

හදවත යා කෙරෙන රන් මාවත් වැඩසහන යටතේ ග‍්‍රාමීය පාලම් ව්‍යාපෘතිය යටතේ මාවනැල්ල, උඩමුල්ල, රුවන්පුර ශ‍්‍රී නිග්‍රෝධාරාම කන්දේ විහාරස්ථානයට ඇතුලූ විමට පැරණි සපත්තු පාලම වෙනුවට රුපියල් කෝටියක වියදමින් ගඩාතිස්ස ඔය හරහා මෙම පාලම ඉදි කර ඇත්තේ මෙම පාලම සැදිමට කෝටියක මුදලට අමතරව තවත් ලක්ෂ 10 ක මුදලක් මෙම කටයුතු වලට අමාත්‍යවරයා විසින් ප‍්‍රතිපාදන වෙන් කරගෙනයි.

නමුත් මේ වනවිට පාලම සවි කිරිමට ඔය දෙපස කණු සිටුවා දැනට දින දෙකට කලින් මෙම පැරණි පාලමක යකඩ කොටස් මෙහි ගෙනවිත් දමා ඇත්තේ මෙම පාලම වෙනුවෙන් ජනතා විරෝධතාවයක් එල්ල නොවෙයැයි සිතාය.

පසුගිය ආණ්ඩු පෙරළියත් සමග කබිර් හෂිම් මහතාගේ උපදෙස් අනුව මේ සඳහා වෙන් කරන ලද මුදල් නාස්ති කොට මේ සිදු කරන මහජන රැවටිල්ලට  නීතිය ක‍්‍රියාත්මක කර යුතුව පවතින බව ප‍්‍රදේශවාසින් පෙන්වා දෙන ලදි.

එම ස්ථානයට පැමිණි මාවනැල්ල ප‍්‍රාදේශිය සභාවේ එම ප‍්‍රදේශය නියෝජනය කරන මන්ත‍්‍රී නිලංජන් හදකුඹුර මන්ත‍්‍රීවරයා පැවසුයේ හිටපු අමාත්‍ය කබිර් හෂිම් මහතා ඇතුලූ එතුමාගේ හිතවතුන් අමාත්‍යවරයාගේ අමාත්‍යංශයේ මුදල් භාවිතා කරමින් විශාල වංචනික  ලෙස සංවර්ධනය කරන බව පවසා අඩුපාඩු සහිතව මාර්ග සහ අනිකුත් පොදුවැඩ කටයුතු සිදු කර ඇති බවයි.

මෙම ස්ථානයේ තව දින කිහිපයකින් සවි කිරිමට සුදානම් වු දිරා ගිය යකඩ පාලම නිරික්ෂණයට මාවනැල්ල ප‍්‍රාදේශීය සභාවේ විපක්ෂනායක පොදුජන පෙරමුණ මන්ත‍්‍රී කේ.ජි පියතිස්ස මහතා මාවනැල්ල පොදුජන පෙරමුණ ප‍්‍රධාන සංවිධායක ඉදුනිල් ශාන්ත ගුණසේන මහතාද පැමිණ පසුගිය රජය මහජන මුදල් නාස්ති කොට සිදු කරන ලද අලූත් සංවර්ධනය මාධ්‍යයට පෙන්වමින් එම කටයුත්ත හෙළා දකින ලදි.

ඔවුන් පැවසුයේ ජන්ද නිතී උල්ලංඝනය කරමින් කොන්ක‍්‍රීට් කරන ලද මාර්ග වලට පවා කබිර් හෂිම් අමාත්‍යවරයාගේ අමාත්‍යංශය යටතේ කාපට් අතුරා මේ වනවිට මාර්ග ගැලවි යන අතර බොහෝමයක් මාර්ග ඉදි කිරිමේදි  ප‍්‍රමිතියකින් තොරව ඉදි කිරිම නිසා විශාල මුදලක් රටේ ජාතික ආර්ථිකයෙන් විනාශ වි ගොස් ඇති බවයි.

Read more

Local News