ජලසම්පාදන පහසුකම් රාජ්ය අමාත්යධුරය කැබ්නට් අමාත්යධුරයට වඩා බලසම්පන්න බව රාජ්ය අමාත්ය වාසුදේව නානායක්කාර මහතා පවසයි.
කලවාන ප්රදේශයේ ඊයේ(15) පැවති වැඩසටහනකට එක්වෙමින් ඔහු මේ බව සඳහන් කළේය.
මෙහිදී වැඩිදුරටත් අදහස් දැක්වු ඒ මහතා පවසා සිටියේ, තමාගෙන් කවුරුන් හෝ තමා කැමතිම වස්තුව කුමක්ද යනුවෙන් ඇසුවොත් ඒ “ජලය“ බවයි.
ඒ තමා කැමතිම වස්තුව ගැන වගකීම තමාට බාර දී ඇතැයි ද පැවසු අමාත්යවරයා, ඒ ගැන සතුටු වන බවත් පැවසීය.
නමුත් තමාට කැබිනට් අමාත්යධූරයක් නොමැති බවත් පැවසු වාසුදේව මහතා,“ සියලු දෙනාට ඇමතිලා වෙන්න බෑ“ යනුවෙන් ද කියා සිටියේය.
එය නොලැබීම ගැන තරහක් නොමැති බවත් පැවසු ඒ මහතා දැන් කථානායක ධූරය තමාට ලබා දීමට සුදානමක් ඇති බවට කථා පළ වෙන බවත් එය ලොකු තනතුරක් බවත් පැවසීය.
“එය කැබිනට් ඇමතිකමටත් වඩා ඉහළයි“ යනුවෙන්ද පැවසු ඒ මහතා, තමා අකමැතිම තානාන්තරය බවත් එම තනතුර හිමිවුවහොත් සිරකරුවෙක් බවට පත්වෙන බවත් කියා සිටියේය.
නමුත් “මාස 3 ක කොහොම හරි කරනවා කියලා ඉන්න කොට ඒකත් නෑ“ යනුවෙන් පැවසු රාජ්ය අමාත්යවරයා කථානායකවරයා අස්විය නොහැකි බව දැනුම් දී ඇතැයි ද පැවසීය.
ජල අමාත්යාංශය ඉතා ප්රබල අමාත්යාංශයක් බවත් වාසුදේව මහතා මෙහිදී කියා සිටියේය.