මාරාන්තික නව කොරෝනා වෛරසය හේතුවෙන් මේ වන විට ලොව පුරා සිදුව ඇති පුද්ගල මරණ සංඛ්‍යාව 813ක් දක්වා ඉහළ ගොස් ඇත.
ඒ අතරින් මරණ 812 ක්ම චීනයෙන් වාර්තා වන අතර, එය 2003 වසරේ සාර්ස් වෛරසයෙන් ලොව පුරා සිදුවූ මරණ සංඛ්‍යාව ද ඉක්මවා ගොස් ඇති බව විදෙස් මාධ්‍ය වාර්තා පවසයි.
නව කොරෝනා නියුමෝනියාව ආසාදනය වීමෙන් ඊයේ දිනය අවසන් වනවිට මියගිය සංඛ්‍යාව 813ක් දක්වා ඉහළ ගියද, ඉන් සුවය ලැබූ සංඛ්‍යාවද 2,649 දක්වා වර්ධනය වී ඇත.
වෛරසය ආසාදානය වී ඇති බවට තහවුරු වූ පිරිසද ඊයේ දිනය අවසන් වනවිට 37 500 ඉක්මවා ඇත.
ඉන් ආසාදිතයින් 37,251ක්ම වාර්තා වන්නේ චීනයෙන් බව චීන සෞඛ්‍ය කොමිසම හා ලෝක සෞඛ්‍ය සංවිධාන දත්ත පෙන්වා දෙයි.
ඊයේ දිනය තුළ පමණක් මරණ 89ක් වාර්තා වන බව එරට වාර්තා සඳහන් කරයි.
