හිටපු නාවික හමුදාපති නිශාන්ත උළුගේතැන්න ලබන 24 වැනිදා දක්වා නැවත රක්ෂිත බන්ධනාගාරගත කෙරේ

හිටපු නාවික හමුදාපති, විශ්‍රාමික අද්මිරාල් නිශාන්ත උළුගේතැන්න සැප්තැම්බර් 24 දක්වා තවදුරටත් රක්ෂිත බන්ධනාගාරගත කර තිබෙනවා. පොල්ගහවෙල මහේස්ත්‍රාත් අධිකරණය විසින් මෙම නියෝගය නිකුත් කරනු ලැබුවේ අද (10) දිනයි.
මෙම රිමාන්ඩ් නියෝගය, 2010 දී පොතුහැර ප්‍රදේශයේදී පුද්ගලයෙකු පැහැරගෙන ගොස් ඝාතනය කිරීමේ සිද්ධියක් සම්බන්ධයෙන් සිදු කෙරෙන විමර්ශනයකට අදාළවයි ලබා දී ඇත්තේ.
අපරාධ පරීක්ෂණ දෙපාර්තමේන්තුව (CID) විසින් නිශාන්ත උළුගේතැන්න අත්අඩංගුවට ගනු ලැබුවේ, ඔහු නාවික හමුදා බුද්ධි අධ්‍යක්ෂ ලෙස කටයුතු කළ සමයේදී මෙම සිද්ධියට සම්බන්ධ බවට වූ චෝදනා මතයි. පැහැරගෙන ගිය පුද්ගලයා රඳවාගෙන සිටි බව කියන නීතිවිරෝධී රැඳවුම් කඳවුරක් ඔහුගේ අණ යටතේ ක්‍රියාත්මක වූ බවටයි පොලිස් පරීක්ෂණවලින් හෙළි වී ඇත්තේ.