ජාත්‍යන්තර ප්‍රවාහන දිනය අදයි

අදට යෙදී තිබෙන ජාත්‍යන්තර ප්‍රවාහන දිනයට සමගාමීව බස් රථ ඇතුළු සෑම වාහනයක් වෙනුවෙන් ගසක් රෝපණය කිරිමේ ජාතික වැඩපිළිවෙළක් ආරම්භ කර තිබේ.

මෙරට ග්‍රීන් ඩ්‍රයිව් සංකල්පය ප්‍රවර්ධනය කිරිමේ අරමුණින් මෙම කර්යය සිදු කරනු ලබන අතර මේ තුළින් මෙරට කාබන් ඩයෝක්සයින් අවශෝෂණ ක්‍රියාවලිය වේගවත් කර වායු ගෝලීය ගුණාත්මක භාවය ආරක්ෂා කිරීමට හැකි වන බව වාහන නියාමන බස් රථ ප්‍රවාහන සේවා රාජ්‍ය අමාත්‍ය දිලුම් අමුණුගම මහතා සදහන් කළේය.

මේ අතර එම දිනයට සමගාමීව වැඩසටහන් රැසක් ක්‍රියාත්මක කරන බව ප්‍රවාහන අමාත්‍ය ගාමිණි ලොකුගේ මහතා පැවසීය.

මාධ්‍ය වෙත අදහස් දක්වමින් ඒ මහතා සදහන් කළේ “සෑම බස් රථයක් වෙනුවෙන්ම එක පැලයක් සිටුවන්න පුළුවන් වුණොත් ඒවා ලොකු වෙනකොට පරිසරයට ලොකු සහයෝගයක් ලැබෙයි. මේ ප්‍රවාහන දිනය වෙනුවෙන් ඒ කටයුත්තට මූලිකත්වය දෙන්න අපි තීරණය කළා. රට පුරාම අපේ සෑම ඩිපෝවකම බස් 100ක් තියෙනවා නම් ගස් 100ක් හිටවන්න අපි කටයුතු කරනවා. ගමනාගමන මණ්ඩලයේ සියලුම ඩිපෝ දැනුවත් කරලා තියෙනවා. අපි විශ්වාස කරනවා පැල 5000ක් විතර සිටුවන්න පුළුවන් වෙයි. ඒ විතරක් නෙමෙයි ඒ පැල වැඩෙනකම් රැකබලා ගැනීමටත් අපි කටයුතු කරනවා,” යනුවෙනි.

ජාත්‍යන්තර ප්‍රවාහන දිනය වෙනුවෙන් වැඩ සටහන් රැසක් ක්‍රියාවට නැගීමට ප්‍රවාහන අමාත්‍යාංශය කටයුතු කරයි.
මේ යටතේ ප්‍රවාහන අමාත්‍යාංශයේ මෙහෙයවීමෙන් ශ්‍රී ලංකා දුම්රිය දෙපාර්තමේන්තුව, ශ්‍රී ලංකා ගමනා ගමන මණ්ඩලය,ජාතික ගමනා ගමන කොමිෂන් සභාව, 3ණ ව්‍යාපෘතිය, කොළඹ තදාසන්න දුම්රිය ව්‍යාපෘතිය, මාර්ග ආරක්ෂාව පිළිබඳ ජාතික සභාව, මාර්ගස්ථ මගී ප්‍රවාහන අධිකාරිය (බස්නාහිර පළාත) යන ආයතනය සහ ව්‍යාපෘතින්ගේ දායකත්වයෙන් රැසක් ක්‍රියාකාරකම් සිදු කරනු ලැබීය.

ජාත්‍යන්තර ප්‍රවාහන දිනය සැමරිම සඳහා “බසයට පැලයක්‘ ‘වාහනයට පැලයක්” වන තේමාව පෙරදැරිව පරිසර දූෂණය අවම කිරිම සඳහා දායකත්වය ලබා දීම.

■ ගරු අමාත්‍යතුමා සහ ආයතන ප්‍රධානීන් විසින් රුක් රෝපණය සිදු කිරිම
■ මාකුඹුර බහුවිධ ප්‍රවාහන පරිශ්‍රයේ සිට ආරම්භ වන බස්රථයක් වෙනුවෙන් පැළයක් අදාල බස්රථ නියමුවන් විසින්ම සිදු කිරිම
■ ලංකා ගමනා ගමන මණ්ඩලය මගින් ගමනා ගමන මණ්ඩලයේ බස්රථයක් වෙනුවෙන් දිවයින පුරා ඩිපෝ පරිශ්‍රවල පැලයක් රෝපණය කිරිම
■ ශ්‍රි ලංකා දුම්රිය දෙපාර්තමේන්තුව මගින් සියලුම දුම්රිය ස්ථාන ආවරණය වන පරිදි පැල සිටුවිම

පෙ.ව. 10.00 සිට 10.02 දක්වා ලංකාවේ සියලුම රථවාහන වල නාලා ශබ්ද නොකර සිටිම සඳහා වන දැනුවත් කිරිම

කොළඹ තදාසන්න දුම්රිය ව්‍යාපෘතිය මගින් කැළණිවැලි දුම්රිය මාර්ගයේ සංවර්ධනය හේතුවෙන් නැවත පදිංචි කරවන පවුල් 15ක් සඳහා යතුරු භාරදීම

ප්‍රවාහන දිනය සංකේතවත් කරමින් බැනර් 300ක් ප්‍රදර්ශනය කිරිම

ප්‍රවාහන ක්‍ෂේත්‍රයට සම්බන්ධ විශේෂ සේවාවන් සැපයු 17 දෙනෙකු වෙනුවෙන් (එම පුද්ගලයින් තෝරා ගැනීම එම ආයතන විසින්ම සිදු කරමින්) තිළිණ ප්‍රදානය.


සියලුම ප්‍රවාහන ආයතනවල ක්‍රියාකාරිත්වය දැක්වෙන ප්‍රදර්ශන පුවරු මාකුඹුර බිහු විධ ප්‍රවාහන මධයස්ථාන පරිශ්‍රයේ පැවැත්වීම
දුම්රිය සේවායේ ඉතිහාසය සඳහන් ප්‍රදර්ශන ඒකකයක් මාකුඹුර බහුවිධ ප්‍රවාහන මධ්‍යස්ථාන පරිශ්‍රයේ ආරම්භ කිරිම
ප්‍රවාහන ක්ක්‍ෂේත්‍රයේ ආයතන මගින් සිදු කරනු ලබන සේවවන් දැක්වෙන වීඩියෝ දර්ශණයන් ප්‍රදර්ශනය කිරීම
ගමනා ගමන මණ්ඩලය මගින් ක්‍සඑහ ඊමි සේවාව සඳහා භාවිතා කරනු ලබන බස්රථ උපයෝගිකොට ගෙන රිය පෙරහරක් 2021-03-06 වන දින සිදු කිරිම
ජාතික ප්‍රවාහන කොමිෂන් සභාව හඳුන්වාදෙන නවීන තාක්ෂණික ක්‍රමවේදය මගින් භීක්‍ තාක්ෂණය සහිත ඉලෙක්ට්‍රෝනික කාඩ්පත ආරම්භ කිරිම
ප්‍රවාහන ක්ෂේත්‍රයට සම්න්ධ විශිෂ්ට සේවාවන් සපයන සේවක මහතුන් වෙනුවෙන් තිළිණපත් ප්‍රධානය

මෙම අවස්ථාවේ පැවති උත්සව සභාව ඇමතු ප්‍රවාහන අමාත්‍ය ලොකුගේ මහතා ප්‍රකාශ කර සිටියේ විශේෂයෙන්ම රථවාහන මගින් පිටවන දුමාරය හේතුවෙන් වායු දුෂණයක් සිදු වන බැවින් එම තත්වය අවම කර ගැනීම සඳහා මෙලෙස පැල පන් දහසක් රෝපණය කිරිමේ ව්‍යාපෘතියක් ප්‍රවාහන අමාත්‍යාංශය මුලිකත්වයෙන් ආරම්භ කළේ ය.

එමෙන්ම ජාත්‍යන්තර ප්‍රවාහන දිනයට සමගාමීව අද දින අප විසින් ආරම්භ කරන වැඩසටහන් අදින් පසුව අවසන් නොකර ඉදිරියට ක්‍රියාත්මක කිරිමට සියළු දෙනාම වග බලා ගත යුතු බවයි.