මැලේසියාවේ පැවැත්වෙන 16 වන ආසියානු ආරක්ෂක සේවා ප්රදර්ශණය සහ සමුළුව – 2018 සඳහා සහභාගි වී සිටින ශ්රී ලංකා යුද්ධ හමුදාධිපති ලුතිනන් ජෙනරාල් මහේෂ් සේනානායක, ක්වාලා ලාම්පුර් නුවර පිහිටි මැලේසියානු ජාත්යන්තර වෙළඳ සහ ප්රදර්ශන මධ්යස්ථානයේ පැවති සමුළුවේ අවසන් සැසියේ දී මැලේසියානු යුද්ධ හමුදා ප්රධානිජෙනරාල් ඩාටෝ ශ්රී සුල්කිපල් බින්හජ්කසීම් හමුවිය.
යුද්ධ හමුදාවේ වාර්ෂිකව පැවැත්වෙනප්රධාන අංගයක් වන ‘කොළඹ ආරක්ෂක සම්මන්ත්රණය – 2018’ සඳහා සහභාගි වන ලෙස ද එහිදි යුද්ධ හමුදාධිපතිතුමා මැලේසියානු හමුදා ප්රධානි වෙත ආරාධනා කරනු ලැබීය. තවද මැලේසියානු යුද්ධ හමුදා ප්රධානි විසින් ශ්රී ලංකා යුද්ධ හමුදාව ත්රස්තවාදය තුරන්කිරීමට දැක් වූ කාර්යභාරය මහත්සේ පැසසුමට ලක් කළ අතර, එමඟින් මැලේසියානු යුද්ධ හමුදාවට ද එම අත්දැකීම් ප්රයෝජනවත් වන බව පැවසූහ.
මෙම හමුව අවසානයේ දෙපිරිස අතර හොඳ හිත සහ සුහඳත්වය වර්ධනය කරමින් සමරු තිළිණ හුවමාරුවක් ද සිදුවිය.