කොරෝනා වෛරස ව්යාප්තිය සලකන විට ඉහළ අවදානමක් සහිත කලාප ලෙස හඳුනාගෙන ඇති කොළඹ, ගම්පහ, කළුතර, පුත්තලම, මහනුවර, යාපනය දිස්ත්රික්කවල සහ රත්නපුර දිස්ත්රික්කයේ රත්නපුර හා පැල්මඩුල්ල පොලිස් බල ප්රදේශ සඳහා දැන් ක්රියාත්මක ඇඳිරි නීතිය නැවත දන්වනතුරු දිගටම බලාත්මකව පවතී.
සෙසු සියලු දිස්ත්රික්කවල අද (09) උදේ 06.00 ට ඇඳිරි නීතිය ලිහිල් වු අතර සවස 04.00 ට යළි පනවනු ලැබීය.
මේ දිස්ත්රික්කවල අද පැනවු ඇඳිරි නීතිය අප්රේල් 14 අඟහරුවාදා උදේ 06.00 ට ඉවත් කොට එදිනම සවස 04.00 සිට නැවත ක්රියාත්මක කරන බවද ජනාධිපති මාධ්ය එක්කය නිවේදනය කරයි.
මේ අතර ඊයේ (08) රාත්රියේ රත්නපුර දිස්ත්රික්කයේ රත්නපුර හා පැල්මඩුල්ල පොලිස් බල ප්රදේශ සඳහා දැන් ක්රියාත්මක ඇඳිරි නීතිය නැවත දන්වන තුරු බලාත්මක කරන බව පොලිස් මාධ්ය ප්රකාශ කාර්යාලය පවසයි.
ඒ අනුව රත්නපුර හා පැල්මඩුල්ල පොලිස් බල ප්රදේශ හරහා ගමනාගමනය සම්පූර්ණයෙන්ම තහනම් කරනු ලැබෙන බව පොලිස් මාධ්ය ප්රකාශ කාර්යාලය වැඩිදුරටත් පැවසීය.
කොරෝනා වෛරසය ව්යාප්තිය නතර කරනු පිණිස ඇඳිරි නීතිය පැනවීම ඇතුළු ක්රියාමාර්ග ගෙන ඇත්තේ හුදෙක් ජනතාවගේ යහපත වෙනුවෙනි.
එබැවින් ඇඳිරි නීතිය පැනවීම නිසා ඇතිවන දුෂ්කරතා අවබෝධයෙන් සහ වගකීමෙන් යුතුව ඉවසා සිටින්නැයි රජය ජනතාවගෙන් ඉල්ලා සිටී.
එසේම අලුත් අවුරුදු සමය තුළ චාරිත්ර සහ පුද්ගල සබඳතා පවුලේ සාමාජිකයනට පමණක් සීමා කරන ලෙස ද අවධාරණය කෙරේ.
අත්යාවශ්ය සේවා හැර වෙනත් කාර්යයන් සඳහා දිස්ත්රික්ක අතර ගමනාගමනය සම්පූර්ණයෙන්ම තහනම් කර තිබේ.
අත්යාවශ්ය සේවා කර්යක්ෂමව පවත්වාගෙන යනු පිණිස යොදා ඇති ක්රමවේද අවභාවිත කරන අයට එරෙහිව නීතිය තදින්ම ක්රියාත්මක කරනු ලැබේ.
ඇඳිරි නීතිය බලපැවැත්වෙන කාලය තුළ ජනතාවට අත්යාවශ්ය ආහාර ද්රව්ය සහ වෙනත් භාණ්ඩ නිවසේ සිටම මිලදී ගත හැකි වන පරිදි නොකඩවා සැපයීමට රජය සියලු විධිවිධාන සලසා ඇත.
කවර දිස්ත්රික්කයක වුවද ගොවිතැන් වැඩ කරන සහ කුඩා තේවතු හා අපනයන භෝග නිෂ්පාදන ක්රියාවලියේ නිරත ජනතාවට එකී වැඩ කිරීමට අවසර ඇත.
කොළඹ, කළුතර සහ මහනුවර දිස්ත්රික්කවල හුදකලා ප්රදේශ ලෙස නම් කර ඇති ගම්මාන හුදකලා ප්රදේශ ලෙස තවදුරටත් සලකනු ලැබේ.
කවරකුට හෝ මේ ගම්මානවලට ඇතුළුවීම හෝ ඉන් පිටවීම හෝ නැවත දැනුම් දෙන තුරු සම්පූර්ණයෙන් තහනම් වේ.
