බදුල්ල-මොරහෙල ප්‍රධාන මාර්ගයේ එකේ කණුව නිකපොත ප්‍රදේශයේ මාර්ගය හරහා අද (19) අළුයම 5.00ට පමණ විශාල සියඹලා ගසක් කඩා වැටී තිබේ.
ඒ හේතුවෙන් එම මාර්ගයේ වාහන ගමනා ගමන කටයුතු ඇණහිට තිබූ බව වාර්තා වෙයි.
ගස කඩා වැටීමෙන් ඒ අසල තිබූ විදුලි රැහැන් පද්ධතියට හා දුරකථන රැහැන් පද්ධතියට ද බරපතළ හානි සිදුව ඇති අතර අලුයම 5.00 සිට ප්‍රදේශ රැසක විදුලියද ඇණහිට ඇති බව වාර්තා වෙයි.
මාර්ගය අවහිර වීම හේතුවෙන් කළුගහකඳුර, මොරහෙල, කැටවත්ත, පිටමාරුව, කෝමාරික ඇතුළු ප්‍රදේශ රැසක බස් රථ සේවාවන් මුළුමනින්ම අවලංගු කිරීමට සිදුව ඇති අතර සෙසු වාහනවලට විකල්ප මාර්ග භාවිත කිරීමට කන්දකැටිය පොලීසිය කටයුතු යොදා තිබේ.
