මත්ද්‍රව්‍ය රුධිර පරීක්ෂණයට සූදානම් බව සුසිල් කියයි

94

තමන් මත්ද්‍රව්‍ය භාවිත කර ඇත්දැයි යන්න පිළිබඳව ඕනෑම රුධිර පරීක්ෂණයකට තමන් සූදානම් බව පාර්ලිමේන්තු මන්ත්‍රී සුසිල් ප්‍රේම්ජයන්ත මහතා පැවැසීය.

අද (19) කොළඹ විපක්ෂනායක කාර්යාලයේ පැවැති මාධ්‍ය හමුවකදී ඔහු මේ බව පැවසීය.

“රාජ්‍ය ඇමති රන්ජන් රාමනායක මහත්තයා කියලා තිබුණා කෝකේන් බොන ඇමතිවරු ඉන්නවා කියලා. ඒ ලිස්ට්  එක කථානායක දුන්නා කියලත් එතුමා කිව්වා. මේ අනුව හෙට පාර්ලිමේන්තුව තුළ දැඩි ප්‍රශ්ණයක් ඇතිවේවි. නම් අහන නිසා. මම නම් ඕනෑම පරික්ෂණයකට සූදානම්”

ඊයේ කොළඹදි පැවැති මාධ්‍ය හමුවකදී රාජ්‍ය අමාත්‍ය රන්ජන් රාමනායක මහතා පැවැසුවේ මත්ද්‍රව්‍ය භාවිත නොකරන බවට පාර්ලිමේන්තු මන්ත්‍රීවරුන්ට රුධිර  පරීක්ෂණයක් කරගැනීමට තමන් ආරාධනා කරන බවයි.