Tuesday, March 19, 2024.

බදියුදීන් ත්‍රස්තවාදයට සම්බන්ධ නම් එල්ලුම් ගස් යවනවා

Share

රිෂාඩ් බදියුදීන් ඇමතිවරයා සම්බන්ධයෙන්, ‌පොලීසිය, හමුදාව හා බුද්ධි අංශ හරහා පරීක්ෂණයක් කිරීමට ආරක්ෂක ඇමැතිවරයා හා ‌පොලීසිය භාර ඇමැතිවරයා වහාම කටයුතු කළ යුතු බව පාර්ලිමේන්තු මන්ත්‍රී මනුෂ නානායක්කාර මහතා පැවසුවේය.

එසේම බදියුදීන් ඇමතිවරයා ත්‍රස්තවාදයට සම්බන්ධ නම් අත්අඩංගුවට ගැනීමට පමණක් ‌නොව එල්ලුම් ගස් යැවීමට සහාය ලබාදෙන බවත් පාර්ලිමේන්තු මන්ත්‍රී මනුෂ නානායක්කාර මහතා ප්‍රකාශ කරයි.

ගාල්ලේදී අද (26) පැවති සාකච්ඡාවකට එක්වෙමින් ඔහු මේ බව සඳහන් කළේය.

වැඩිදුරටත් අදහස් දැක්වූ මනූෂ නානායක්කාර මහතා..,

“මේ ‌වෙලාවේ රිෂාඩ් බදියුදීන් ඇමැතිවරයාට විරුද්ධව ‌පොලීසිය, හමුදාව හා බුද්ධි අංශ හරහා වහාම පරීක්ෂණයක් පැවැත්විය යුතුයි.

පාර්ලිමේන්තුවට පරීක්ෂණ කිරීමට බලයක් නෑ. පාර්ලිමේන්තුවට පුලුවන් ‌වෙන්නේ විවාද කරලා ඡන්දයක් අරගෙන රිෂාඩ් බදියුදීන් ඇමැතිවරයාගේ පැත්තට ඡන්ද අඩුනම් ඔහු පාර්ලිමේන්තුවෙන් යවන්න ‌වෙනවා.

ඔහුගේ පැත්තට ඡන්ද වැඩි නම් පාර්ලිමේන්තුවේ තියාගන්න ‌වෙනවා. ත්‍රස්තවාදියෙක් වුණත් ඔහු වැඩි ඡන්ද ප්‍රමාණයක් ලබාගත්තොත් පාර්ලිමේන්තුවේ තියාගන්න ‌වෙනවා. ඔහුට ලබාගත හැකි ඡන්ද ප්‍රමාණය අඩුවුනොත් විතරයි පාර්ලිමේන්තුවෙන් යවන්න පුලුවන් ‌වෙන්නේ.

අපි වහාම වගකීමෙන් ආරක්ෂක ඇමැතිවරයාගෙන්, ‌පොලීසිය භාර ඇමැතිවරයාගෙන් ඉල්ලා සිටින්නේ වහාම පරීක්ෂණයක් ක්‍රියාත්මක කරන්න කියලයි.

ඔහු ත්‍රස්තවාදයට සම්බන්ධ නම් අත්අඩංගුවට ගන්න විතරක් ‌නෙමෙයි එල්ලුම් ගහට අරගෙන යන්න. ඒකට අවශ්‍ය සහාය පාර්ලිමේන්තුව විදියට අපි ලබාදෙනවා. අපි ‌හොරු රකින්න සූදානම් නෑ. ත්‍රස්තවාදීන් රකින්න අපි සූදානම් නෑ. ඒ වගේම පාර්ලිමේන්තුවේ ‌දේශපාලන ‌ගේම් ගහන්නත් අපි ඉඩ ‌දෙන්නේත් නෑ.

අගමැති රනිල් වික්‍රමසිංහ මහත්තයාට විරුද්ධව, ආණ්ඩුවට විරුද්ධව විශ්වාසංභග ‌යෝජනාවක් අරගෙන ආවා. දින පනස් ‌දෙක ‌වෙලාවේ අලුත් අගමැතිවරයෙක් කුමන්ත්‍රණයකින් පත් කළා. ‌

මේවා සාර්ථක ‌නොවුන තැන අලුත් පියවරකින් ආණ්ඩුවට විරුද්ධව විශ්වාසභංග ‌යෝජනා ‌ගේනවා. ‌මේවා ‌දේශපාලන‌ ‌ගේම්. ‌මේ ‌දේශපාලන ‌ගේම්වලට අපි ‌දේශපාලන ‌ගේම් එක ගහනවා.

හැබැයි රිෂාඩ් බදියුදීන් ඇමැතිවරයාට නීතිය ක්‍රියාත්මක කරන්න. වැරැද්දක් කරලා තියෙනවා නම් අත්අඩංගුවට ගන්න. එල්ලුම්ගස් යවන්න. හැබැයි ‌දේශපාලන ‌ගේම්වලට එන්න එපා.

මිනුවන්ගොඩ, ‌හෙට්ටිපාල, කුලියාපිටියේ ගිනි තිබ්බේ හිතා මතා.‌ ‌‌මේවාය‌ේ පිටපුස හිටියේ කවුද කියලා අපි හැමෝම දන්නවා. ඒවා කළේ කවුද කියලා රටම දන්නවා. බදුරලියේ පාසලේ ‌බෝම්බ තිබ්බේ කවුද කියලා අපි හැමෝම දන්නවා. අනියත බියක් ඇති කළේ කවුද කියන එක දැන් රටම දන්නවා.

මේවායේ පිටුපස තියෙන්නේ ‌දේශපාලනය. අපිට යූ.එන්.පී. ශ්‍රී ලංකා කියන එක අදාල නෑ.

අපිට අදාල‌ ‌වෙන්නේ රටයි. රටේ ආරක්ෂාවයි. කැත විදියට, මිනිස්සු ‌දෙසීය ගණනකගේ මිනී උඩින් ගිහින් ‌දේශපාලනය කරන එක වැරදියි. ‌

මේ ‌වෙලාවේ සියලු ‌දෙනාම එකතුවෙලා ‌හෙට දවසේ රටේ ආරක්ෂාව ගැන හිතලා කටයුතු කරන්න ඕන. ‌හෙට දවසේ අපේ දරුවන්ට නිදහසේ ජීවත්විය හැකි රටක් ‌ගොඩ නැගිය යුතුයි.

එතැනදී ‌හෙට රටේ ජනාධිපතිවෙන්නේ කවුද, ‌හෙට රටේ අගමැති ‌වෙන්නේ කවුද කියන එක අපිට අදාල ‌වෙන්නේ නෑ.

අපිට ඕන ‌හෙට අපේ දරුවන්ට ‌හොද රටක්. ඒතැනදී ‌කොන්දේසි විරහිතව රට පැත්තේ හිට ගැනීමට සූදානම්

අපිට අවශ්‍ය ‌මේ රට ‌වෙනුවෙන් වැඩ කිරීමයි. ‌මේ ශ්‍රී ලාංකික ජාතිය ආරක්ෂා කිරීමටය. මම පාර්ලිමේන්තුවේදි එක රටක් එක නීතියක් කියන ‌යෝජනාව අරගෙන ආවා.

අගමැතිතුමා සිකුරාදා තානාපතිවරු හමුවුන අවස්ථාවේදී කිව්වේ ‌මේ රටේ විවාහ නීතිය ඒකක් කරනවා කියලයි. ඒ් වගේ සියලුම නීති රටේ ඒක නීතියක් බවට පත්වෙනවා. ඒවිට අන්තවාදීන්ට තමන්ට ඕන විදියට රගන්න ‌අවස්ථාවක් නැතිවෙනවා.ඒකට අවශ්‍ය පසුබිම අපි ආණ්ඩුවක් විදියට හදනවා.

ඒක හදන්නේ නැතිව ‌දේශපාලන වාසි ලබාගැනීමට රට අනාරක්ෂිත බව කියනමින්, තැන් තැන්වල ජාතිවාදී ‌කෝලහාල ඇති කරමින්, තැන් තැන්වල ‌බෝම්බ තියලා ඡන්දය ගන්න හදනවානම්, බලයට ඒන්න හදනවා නම් ශ්‍රී ලාංකික ජාතියක් ‌ලෙස එයට විරුද්ධව සියලුදෙනාම නැගී සිටුවීමට අපි සූදානමින් සිටිනවා.” යනුවෙන් පැවසීය.

Read more

Local News