සිංහල බෞද්ධ ජනතාවගේ විශ්වාසය එජාපයෙන් ගිලිහෙනවා

Share

එක්සත් ජාතික පක්ෂය කෙරෙහි සිංහල බෞද්ධ ජනතාව තබා ඇති විශ්වාසය ගිලිහී යමින් පවතින බව තමන් අවස්ථා ගණනකදීම එක්සත් ජාතික පක්ෂ නායකත්වයට දැනුම් දුන් බව හිටපු අමාත්‍ය මනෝ ගනේෂන් මහතා පවසයි.

සිය ට්විටර් ගිණුමෙන් ප්‍රකාශයක් කරමින් ඔහු පවසන්නේ පක්ෂ නායක රැස්වීම්වලදී තමන් මේ බව සඳහන් කළ බවයි.

එසේම ජේ.ආර්. ජයවර්ධන මහතාගේ පාලන කාලයේ මෙන් සිංහල බෞද්ධ ජනතාවගේ අකාර්ශනය පක්ෂයට නැඹුරු කර ගැනීම වෙනුවෙන් යාන්ත්‍රණයක් ක්‍රියාත්මක කළ යුතුව තිබූ බවත් තමන් සඳහන් කළ බවද ඔහු ප්‍රකාශ කරයි.

බෞද්ධ දර්ශනය යනු සියලු ජනතාවට ආවරණයක් වන ධර්මයක් විනා එය කිසිම ආගමක අනුගාමිකයන්ට බිය උපදවන ආගමක් නොවන බවට තමන් සඳහන් කළ බවත් ඔහු වැඩිදුරටත් පවසයි.

Read more

Local News