නව වසර උදාවත් සමඟ විවිධ අනතුරුවලට ලක් වු පුද්ගලයන් 512 දෙනෙකු ප්රතිකාර සඳහා කොළඹ ජාතික රෝහලේ හදිසි අනතුරු අංශයට ඇතුළත් කර තිබෙන අතර එය පසුගිය වර්ෂයට සාපේක්ෂව 6%ක වැඩිවීමක් බව කොළඹ ජාතික රෝහල ප්රකාශ කරයි.
රෝහල් ගතකළ පුද්ගලයන් අතරින් 194 දෙනෙකු මේ වනවිට නේවාසිකව ප්රතිකාර ලබන අතර එම සංඛ්යාව ද පසුගිය වර්ෂයට සාපේක්ෂව 8%ක වැඩිවීමක් වෙයි.
සෙසු අනතුරු අතර මාර්ග අනතුරුවලින් පුද්ගලයන් 117 දෙනනෙකු තුවාල ලබා තිබෙන අතර එය පසුගිය වසරට සාපේක්ෂව 3%ක වැඩිවීමක් වන අතර නිවෙස්වල අනතුරුවලින් පුද්ගලයින් 68 දෙනෙකු තුවාල ලබා තිබේ. එය පසුගිය 2017 වර්ෂයට සාපේක්ෂව 33%ක වැඩිවීමක් වෙයි. හිංසන ක්රියාවලින් පුද්ගලයින් 42 දෙනෙකු ද රතිඤ්ඤා අනතුරුවලින් 12 වශයෙන් අනතුරු වාර්තා වී ඇත.
2017 වසරේ වාර්තා වී ඇති සමස්ත අනතුරු ප්රමාණය 479 ක් වූ අතර ඊට සාපේක්ෂව මෙවර එය 6%ක වැඩිවීමක් බවද එම රෝහල් ආරංචි මාර්ග සදහන් කරයි.
මාධ්ය හරහා කොතෙකුත් දැනුවත් වීම් කළ ද පසුගිය වසර වඩා මෙවර අනතුරුවල සුළු වැඩිවීමක් දක්නට ලැබෙන බවද කෙසේ වුවද පුද්ගලිකව මේ කෙරෙහි අවධානය යොමු කරන්නේ නම් අනතුරු අවමකර ගැනීමේ හැකියාව පවතී.