ධීවර රැකියාවේ නිරත පිරිස් වෙනුවෙන් ශ්රී ලංකා රක්ෂණ සංස්ථාව හා එක්ව නව ධීවර රක්ෂණාවරණයක් ලබාදීමටත්, කෘෂි කාර්මික හා ගොවිජන රක්ෂණ මණ්ඩලය එක්ව ධීවර ප්රජාව වෙනුවෙන් විශ්රාම වැටුපක් ලබාදීමටත්, ලංකා බැංකුව සමඟ එක්ව ධීවර දරුවන් වෙනුවෙන් ඉතුරුම් ගිණුම් ලබාදීමටත් ධීවර හා ජලජ සම්පත් අමාත්යංශය කටයුතු සූදානම් කර ඇත.
එළැඹෙන නොවැම්බර් 21දිනට යෙදෙන ලෝක ධීවර දිනයට සමගාමීව මෙම කටයුතු සිදුකර ඇති බව ධීවර අමාත්යංශය මාධ්ය නිවේදනයක් මගින් පෙන්වා දෙයි. එදිනට නව ධීවර ප්රතිපත්තියක් සඳහා කථිකාවක් ආරම්භකිරීම හා විසිතුරු මත්ස්ය කර්මාන්තයේ යෙදෙන ව්යවසායකයින් සඳහා මුදල් ආධාර ලබාදීම යන කටයුතු සිදුවීමට නියමිතව ඇත.
