උපාධිධාරීන් 5,450ක් ගුරු සේවා ව්යවස්ථාව අනුව බඳවා ගැනීමට අමාත්ය මණ්ඩල අනුමැතිය ලැබී ඇතැයි අධ්යාපන අමාත්ය ආචාර්ය සුසිල් ප්රේමජයන්ත පවසනවා.
විද්යා, තාක්ෂණ, ඉංග්රීසි හා විදේශ භාෂා යන ප්රධාන විෂය ධාරා සඳහා පළාත් නමයට අදාළ ව මෙම ගුරුවරුන් බඳවා ගැනෙන අතර පළාත් මගින් එම බඳවාගැනීම් ඉදිරියේ දී සිදු කිරීමට නියමිත බවත් ජාතික පාසල් සඳහා ගුරුවරුන් අධ්යාපන අමාත්යාංශය මගින් බඳවාගන්නා බවත් අමාත්යවරයා මෙහි දී සඳහන් කළා.
අමාත්යවරයා මෙම අදහස් පළ කළේ ඌව පළාතේ බදුල්ල දිස්ත්රික්කයේ අධ්යාපන ගුණාත්මක සංවර්ධනය සඳහා විදුහල්පතිවරුන් දැනුම්වත් කිරීමේ වැඩසටහනකට එක් වෙමිනුයි.
