ජනාධිපති රනිල් වික්රමසිංහ දිවයිනෙන් බැහැරව සිටින කාලය තුළ ජනාධිපතිවරයා යටතේ පවතින අමාත්යාංශ අධීක්ෂණය කිරීම සඳහා වැඩබලන අමාත්යවරු සිව් දෙනෙක් පත් කර තිබෙනවා.
ඒ අනුව ජනාධිපතිවරයා දිවයිනෙන් බැහැරව සිටින අද (21) සහ හෙට (22) දිනවලට අදාළ වන පරිදි ආරක්ෂක රාජ්ය අමාත්ය ප්රමිත බණ්ඩාර තෙන්නකෝන් වැඩබලන ආරක්ෂක අමාත්යවරයා ලෙස ද, මුදල් රාජ්ය අමාත්ය ශෙහාන් සේමසිංහ වැඩබලන මුදල්, ආර්ථික ස්ථායීකරණ සහ ජාතික ප්රතිපත්ති අමාත්යවරයා ලෙස ද, තාක්ෂණ රාජ්ය අමාත්ය කනක හේරත් වැඩබලන තාක්ෂණ අමාත්යවරයා ලෙස ද, සමාජ සවිබල ගැන්වීම් රාජ්ය අමාත්ය අනුප පස්කුවල් වැඩබලන කාන්තා, ළමා කටයුතු හා සමාජ සවිබල ගැන්වීම් අමාත්යවරයා ලෙස ද පත් කර ඇති බවයි වාර්තා වන්නේ.
