ශ්රී ලංකා ගුවන් හමුදා ඊගල්ස් ගෝල්ෆ් ලින්ක් විසින් දෙවන වරටත් සංවිධානය කරනු ලැබූ මෝන්සූන් කුසලාන 2023 කාන්තා සහ පිරිමි විවෘත ගොල්ෆ් තරඟාවලියේ ජයග්රාහක ජයග්රාහිකාවන් සදහා කුසලාන ප්රධානෝත්සවය ගුවන් හමුදාධිපති එයාර් මාර්ෂල් උදේනි රාජපක්ෂගේ ප්රධානත්වයෙන් 2023 ඔක්තෝම්බර් මස 29 වන දින පවත්වා තිබෙනවා.
මෙම තරඟාවලියේදී ඊගල්ස් මෝන්සූන් කුසලානය වෙනුවෙන් කාන්තා හා පිරිමි යන දෙඅංශයෙන්ම ක්රීඩක ක්රීඩිකාවන් තරඟ වැදුනු අතර ත්රිවිධ හමුදාවේ දකෂතම ක්රිඩකයාට පිරිනැමෙන ඊගල්ස් මෝන්සූන් ආරක්ෂක අභියෝගතා කුසලානය සඳහා ද තරඟකරුවන් තරඟ වැදිම සිදුවිය.
ඊගල්ස් මෝන්සූන් තරගාවළියේ පිරිමි අංශයේ ශුරතාවය නිෂාන්ත පෙරේරා විසින් හිමිකරගත් අතර කාන්තා අංශයේ ශුරතාවය ප්රවීණා දුනුවිල විසින් හිමිකර ගන්නා ලද අතර එහි පිරිමි අංශයේ අනුශුරතාවය රවී ලියනගේ විසින් ද කාන්තා අංශයේ අනුශුරතාවය රොෂානි සන්ගානි විසින් හිමිකරගෙන තිබුණා.
ඊගල්ස් මෝන්සූන් ආරක්ෂක අභියෝගතා කුසලානය ශ්රී ලංකා ගුවන් හමුදාවේ විංග් කමාන්ඩර් අසන්ත ගුණරත්න විසින් දිනාගන්නා ගත් අතර අනුශුරතාවය ශ්රි ලංකා යුද්ධ හමුදාවේ කැප්ටන් ආනන්ද දිසානායක විසින් දිනාගෙන තිබෙනවා.
