ඇල්බේනියාවේ අගනුවර වන Tirana හි දහස් සංඛ්‍යාත සිසුන් වීදි බැස ඇති අතර, රාජ්‍ය විරෝධී විරෝධතාවල දෙවැනි දිනයේදී රජයේ ගොඩනැගිලි කිහිපයකට ප්‍රහාර එල්ල කර තිබේ. විශ්වවිද්‍යාලවල පහසුකම් වැඩිදියුණු කිරීම සහ රැකියා අවස්ථා පුළුල් කිරීම ඉල්ලා සිසුහු අඟහරුවාදා අධ්‍යාපන අමාත්‍යාංශය ඉදිරිපිටින් මෙම විරෝධතාව ආරම්භ කළහ. ඊයේ(14) වන විට අධ්‍යාපන අමාත්‍යාංශ ගොඩනැගිල්ලේ කොටසකට ගිනි තබා තිබූ අතර, අගමැති කාර්යාලයට, මුදල් අමාත්‍යාංශයට, ස්වදේශ කටයුතු අමාත්‍යාංශයට සහ අවට ව්‍යාපාරික ස්ථාන කිහිපයකට ද ප්‍රහාර එල්ල වී තිබිණි. ඇල්බේනියාවේ නියෝජ්‍ය අගමැතිනි Albana Koçiu ජනතාවගෙන් ඉල්ලා සිටියේ සන්සුන්ව, සංයමයෙන් සහ පරිණතභාවයෙන් කටයුතු කරන ලෙසයි. “වෙනසක් ඇති කිරීමට ඇල්බේනියාව ගිනි තැබිය යුතු නැහැ,” යනුවෙන් ඇය ප්‍රකාශ කළාය.
