මරණ දඬුවමට ලක්ව සිටින දුමින්ද සිල්වා මහතාට බන්ධනාගාරය තුළ විශේෂ වරප‍්‍රසාද ලබා දුන් බව කියන බන්ධනාගාරයේ ඉහළ නිලධාරියෙකු පිළිබඳ අධිකරණ හා බන්ධනාගාර ප‍්‍රතිසංස්කරණ අමාත්‍යංශය පරීක්ෂණ ආරම්භ කර තිබේ.
ඒ සිරකරුවන්ට ලබා දෙන පහසුකම්වලට පරිබාහිරව දුමින්ද සිල්වාට සුවිශේෂී වරප‍්‍රසාද රැසක් ලබා දෙන බවට අධිකරණ හා බන්ධනාගාර ප‍්‍රතිසංස්කරණ අමාත්‍ය තලතා අතුකෝරල මහත්මිය ලද තොරතුරක් මත ඒ පිළිබඳව කළ මුලික සොයා බැලීමකින් පසු පරීක්ෂණ පවත්වන්නැයි අමාත්‍යවරිය අදාළ නිලධාරීන්ට උපදෙස් දී ඇත.