බදු ප්‍රතිපත්තියට එරෙහිව රාජ්‍ය සහ පෞද්ගලික වෘත්තීය සමිතිත් බහුජන සංවිධානත් අද දැවැන්ත විරෝධතාවක් ආරම්භ කර තිබෙනවා.
වෛද්‍යවරුන් ඇතුළු රෝහල් කාර්ය මණ්ඩල සායනික සහ බාහිර රෝගී සේවාවලින් ඉවත්ව තිබෙනවා.
එසේම පෞද්ගලික අංශයේ සේවාවලින්ද අද ඉවත්ව සිටින බව රජයේ වෛද්‍යවරුන්ගේ සංගමය නිවේදනය කරනවා.
වෛද්‍ය ක්ෂේත්‍රයේ සියලුම වෘත්තීය සමිති එකට එකතු වී මෙවන් වර්ජනයක් ක්‍රියාත්මක කරන ප්‍රථම අවස්ථාව මෙය බවයි වෛද්‍ය හරිත අලුත්ගේ පවසන්නේ.
අද සවස හයිඩ් පාක් පිටියේදී දැවැන්ත විරෝධතා රැළියක් සංවිධානය කර තිබෙනවා.
