හැටන් නුවරඑළිය ප්‍රධාන මාර්ගයේ රදැල්ල කෙටි මාර්ගය හරහා ටොන් 5ට වඩා බර අඩු වාහනවලට අද (08) දින සිට එම මාර්ගය ඔස්සේ ගමන් කිරීමට අවසර ලබාදී තිබෙනවා.
මාර්ග සංවර්ධන අධිකාරියේ නුවරඑළිය දිස්ත්‍රික් භාර විධායක ඉංජිනේරුවරයා විසින් එම අවසර ලබා දී ඇතැයි නානුඔය පොලීසිය පවසනවා.
පසුගිය ජනවාරි මස 20 වනදා නානුඔය – රදැල්ල කෙටි මාර්ගයේ සිදුවු බස් රථ අනතුරින් පුද්ගලයින් 7දෙනෙක් ජීවිතක්ෂයට පත්වුණි.
ඒ හේතුවෙන් එම මාර්ගයේ බර වාහන ධාවනය මේ දක්වා තාවකාලිකව නවතා දැමීමට පියවර ගැනුණි.
එම තීරණය අනුව බර වාහන ධාවනය නතර කළ දින සිට එම මාර්ගයේ ගමන්ගත් බර වාහන සියල්ල රදැල්ල – කිරිමැටිය වට රවුම් මාර්ගය ඔස්සේ ධාවනය කෙරුණා.
