ටයිටැනික් නෞකාවේ සුන්බුන් නැරඹීමට ගිය සංචාරකයින් පිරිසක් අතුරුදන් වී තිබෙනවා.
අතුරුදන් වූ සබ්මැරීනය සහ සංචාරකයින් සෙවීම සඳහා අමෙරිකානු වෙරළාරක්ෂක බළකාය විසින් දැවැන්ත මෙහෙයුමක් ආරම්භ කර ඇති බවයි වාර්තා වන්නේ.
අත්ලාන්තික් සාගරය තුළ අදාළ යාත්‍රාව ගමන් ආරම්භ කර පැයයි මිනිත්තු 45කින් පමණ එහි සබඳතා ඇණහිට ඇති බව විදෙස් මාධ්‍ය වාර්තා කරනවා.
පුද්ගලයින් 5දෙනෙකු මෙම සංචාරය සඳහා එක්ව සිට ඇත.
අතුරුදන් වූවන් සොයා මෙහෙයුම් තවදුරටත් ක්‍රියාත්මකයි.
ධනවතුන් ඇතුළු පස්දෙනකු සමග අතුරුදන් වූ ටයිටන් සබ්මැරීනයේ ඔක්සිජන් අද ශ්‍රී ලංකා වේලාවෙන් පස්වරු 4.50ට පමණ අවසන් වී ඇතැයි මේ වනවිට උපකල්පනය කර තිබේ.
ගිලී ගිය ටයිටැනික් නෞකාව රැඳී ඇති මුහුදු පත්ල ආසන්නයේ යම් යාත්‍රාවක සුන්බුන් තිබී හමුවූ බව අමෙරිකානු වෙරළාරක්ෂක බලකාය පවසයි.
විදෙස් මාධ්‍ය වාර්තා කළේ ඉන් ලබා ගත් තොරතුරු විශ්ලේෂණය කර එම යාත්‍රා සුන්බුන් හඳුනාගැනීමට කටයුතු කරමින් සිටින බවය.
