විදේශීය ටෙලි නාට්‍ය හා චිත්‍රපට දේශීය නාලිකාවල පෙන්වීම හේතුවෙන් දේශීය ටෙලි නාට්‍ය හා ශිල්පීන්ට දැවැන්ත අභියෝගයක් එල්ල වී ඇති බවත් ටෙලි නාට්‍ය සඳහා නීති සකස් කර ප්‍රමිතියක් සකස් කළ යුතුව තිබෙන බවත් ජනමාධ්‍ය නියෝජ්‍ය අමාත්‍ය ලසන්ත අලගියවන්න මහතා අද (22) පාර්ලිමේන්තුවේ දී පැවසීය.
විදේශීය චිත්‍රපට සඳහා පැන වූ බද්දෙන් වසර 2016 දී මිලියන 36.5ක් ආදායමක් උපය ඇත. විදේශීය ටෙලි නාට්‍ය සඳහා පන වූ බද්දෙන් 2015 වසරේ දී මිලියන 89.4ක් ද වසර 2016 දී මිලියන 124.1 ක් ද උපයාගෙන ඇත.
