තලවකැලේ පොලිස් වසමේ හෙලිරුඩ් තේ කම්හල ආසන්නයේ දී ත්‍රිරෝද රථයකින් ගමන් කරමින් සිටි දෙදෙනෙකුට තවත් ත්‍රිරෝද රථයකින් පැමිණි පිරිසක් තියුණු ආයුධවලින් පහර දී ඇති බවට තලවකැලේ පොලිස් ස්ථානයට ලද තොරතුරක් මත විමර්ශන ආරම්භ කර තිබෙනවා.
කැපුම් තුවාල ලද තුවාලකරුවන් දෙදෙනෙකු ලිදුල රෝහලට ඇතුලත් කිරීමෙන් පසු එක් පුද්ගලයෙකු මිය ගොස් ඇති අතර අනෙක් තුවාලකරු වැඩිදුර ප්‍රතිකාර සදහා නුවරඑළිය රෝහල වෙත මාරුකර යවා ඇති බවයි වාර්තා වන්නේ.
මරණකරු වයස අවුරුදු 22 ක් වු ග්‍රේට්වෙස්ටන් වත්ත, තලවකැලේ ප්‍රදේශයේ පදිංචිකරුවෙක්.
