උගන්ඩාවේ කම්පාලා නුවර පැවැත්වෙන නොබැඳි ජාතීන්ගේ සමුළුවට සමගාමීව ජනාධිපති රනිල් වික්රමසිංහ අප්රිකානු කලාපයේ සිටින ගෝලීය දකුණේ රටවල නායකයින් සහ නියෝජිතයින් කිහිපදෙනෙක් සමඟ ඊයේ (19) ද්විපාර්ශ්වික සාකච්ඡාවල නිරත වී තිබෙනවා.
ජනාධිපති රනිල් වික්රමසිංහ සහ දකුණු අප්රිකානු ජනාධිපති සිරිල් රමපෝසා (Cyril Ramaphosa) අතර හමුවක් ඊයේ (19) පස්වරුවේ පැවැත්විණි.
මෙහිදී දකුණු අප්රිකානු ජනාධිපතිවරයා ජනාධිපති රනිල් වික්රමසිංහ ඉතා සුහදශීලිව පිළිගත් අතර අනතුරුව නායක දෙපළ ද්විපාර්ශ්වික සාකච්ඡාවලට එක් වූ බවයි වාර්තා වන්නේ.
මේ අතර ටැන්සානියාවේ අග්රාමාත්ය කසීම් මජලිවා ( Kassim Majaliwa ) ද ජනාධිපති රනිල් වික්රමසිංහ හමුවී දෙරට අතර ද්විපාර්ශ්වික සබඳතා පුළුල් කර ගැනීම පිළිබඳ සාකච්ඡා පවත්වා තිබෙනවා.
එමෙන්ම බහමාස් අග්රාමාත්ය පිලිප් ඊ. ඩේවිස් ( Philip E. Davis), ඉතියෝපියාවේ අග්රාමාත්ය අබේ අහමඩ් (Abiy Ahmed), බෙනින් ජන රජයේ උප ජනාධිපති මාරියම් චාබි තලතා (Mariam Chabi Talata) ද ජනාධිපති රනිල් වික්රමසිංහ හමු වී ද්විපාර්ශ්වික සාකච්ඡාවල නිරත වී තිබෙනවා.
