පකිස්ථානයේ තක්ෂිලා කෞතුකාගාරයේ සිට වැඩම කරවනු ලැබු ශ්‍රි සර්වඥ ධාතුන් වහන්සේ හා ඉන්දියාවේ වරානාසිහි වැඩසිටින ශ්‍රි සර්වඥ ධාතුන් වහන්සේලා ගාල්ල කුඹල්වෙල ශ්‍රි සුමනාරාම විහාරස්ථානයේ දි අද (05) පෙ.ව 8 සිට පසුදින (06) උදෑසන 06 දක්වා ප්‍රදර්ශනය කරනු ලැබේ.
ගාල්ල පින්නදුව අධිවේගි පිවිසුමේ සිට ප්‍රධාන මාර්ගයෙන් ගාල්ල පොලිසිය, විද්‍යාලෝක පිරිවෙන පසු කරමින් වක්වැල්ල මාර්ගයෙන් ගාල්ල කුඹල්වෙල ශ්‍රි සුමනාරාම විහාරස්ථානයට වැඩම කරවිමට නියමිතය. පසුදින එනම් මැයි මස 06 දින, පෙරවරුවේ මාතර දෙනියාය ගැටඹරුව රාජමහාවිහාරයට නැවත වැඩමකර විමට නියමිතය.
මෙම ධන්ත ධාතුන් වහනසේලා පකිස්තාන රජයේ අමිල පුරාවස්තුවක් වශයෙන් සුරක්ෂිතව පවතින්නකි. මෙම දන්ත ධාතුන් වහන්සේලා ගාල්ලට වැඩමකරවිම ස්වදේශ කටයුතු ගරු අමාත්‍ය වජිර අබේවර්ධන මහතාගේ මෙහෙයවිමෙන් ගාල්ල දිස්ත්‍රික් ලේකම් කාර්යාලය මගින් සංවිධානය කරනු ලබයි.
