වෙළඳපොළ විවෘත කිරීම, ආයෝජන සහයෝගීතාව පුළුල් කිරීම, නවෝත්පාදනය ප්‍රවර්ධනය කිරීම සහ වෙළඳ බාධක ඉවත් කිරීම තුළින් සමබර වෙළඳාමක් ඇති කිරීමට රටවල් එක්ව කටයුතු කළ යුතු බව චීන උප අගමැති Ding Xuexiang පවසයි. ශංහයි නුවර පැවැති 9 වැනි චීන ජාත්‍යන්තර ආනයන ප්‍රදර්ශනයේ සහ හොංචියාඕ ජාත්‍යන්තර ආර්ථික සංසදයේ සමාරම්භක උත්සවයේදී ඔහු මේ බව පැවසීය. ගෝලීය ආර්ථිකය දැඩි වෙනස්කම්වලට මුහුණ දෙමින් සිටින අතර, සංවර්ධන අසමතුලිතතා සහ ජාත්‍යන්තර වෙළඳ පිළිවෙළට එල්ල වන බලපෑම් පිළිබඳව ද Ding Xuexiang අවධානය යොමු කළේය. රටවල් වෙළඳපොළ අවස්ථා බෙදාගනිමින්, තම වාසි ප්‍රයෝජනයට ගත යුතුය. ගෝලීය කර්මාන්ත හා සැපයුම් දාම සමග ඒකාබද්ධ වෙමින් ආයෝජන සහයෝගීතාව ශක්තිමත් කළ යුතු බව ද ඔහු පැවසීය.
