ශ්‍රී ලංකාවට ආනයනික ටෙලි නාට්‍ය සහ චිත්‍රපට සඳහා සමීක්ෂණ මණ්ඩලයක් පත් කිරීම අද (06) පෙරවරුවේ සිදු කර තිබේ.
ඒ උසස් අධ්‍යාපන,තාක්ෂණ,නවෝත්පාදන හා තොරතුරු සහ ජනමාධ්‍ය අමාත්‍ය ආචාර්ය බන්දුල ගුණවර්ධන මහතා විසින් තොරතුරු හා ජනමාධ්‍ය අමාත්‍යාංශයේ දීය.
මෙම අවස්ථාට උසස් අධ්‍යාපන,තාක්ෂණ,නවෝත්පාදන හා තොරතුරු සහ ජනමාධ්‍ය අමාත්‍යාංශයේ ලේකම් චූලානන්ද පෙරේරා මහතා ද සහභාගි විය.
එමෙන්ම විද්වත් මණ්ඩලයට විශ්වවිද්‍යාල ආචාර්යවරුන්, කලාකරුවන් හා ක්ෂේත්‍රයට සම්බන්ධ විද්වත් පිරිසක් ඇතුළත්ව සිටී.
එම අවස්ථාවේ දී බන්ධුල ගුණවර්ධන මහතා අදහස් පළ කරමින් පසුගිය කාලයේ ආනයනය කළ චිත්‍රපට හා ටෙලි නාට්‍ය නිසා සමාජය හා සංස්කෘතිය අපගමනයට හා පිරිහීමට ලක් වූ බවයි.
එම නිසා ශ්‍රී ලංකාවේ සංස්කෘතික හර පද්ධතිය රැකෙන පරිදි ඒවා මුදා හැරීමට නව සමීක්ෂණ මණ්ලය කටයුතු කරනු ඇතැයි තමා විශ්වාස කරන බවත් අමාත්‍යවරයා මෙහිදී පැවසීය.
