පුත්තලම නැගෙනහිර ප්රදේශයෙන් පසුගිය දා සොයා ගත් කොරෝනා වෛරසය ආසාධිත පුද්ගලයා ඇසුරු කළ තවත් පුද්ගලයන් 10දෙනෙකු ඊයේ (31) සොයාගත් කොරෝනා ආසාදිතයන් අතර සිටින බව යුද හමුදාපති ලුතිනන් ජෙනරාල් ශවේන්ද්ර සිල්වා මහතා පවසයි.
ඊයේ දිනයේදී වෛරසය ආසාදිත රෝගීන් වැඩිම සංඛ්යාවක් වාර්තා වීම සම්බන්ධයෙන් යුද හමුදාපති ලුතිනන් ජෙනරාල් ශවේන්ද්ර සිල්වා මහතා මෙම අදහස් පළ කළේය.
යුද හමුදාව සහ සෞඛ්ය අංශ එකතුව යුහුසුලුව සිදු කළ නිරෝධායන කටයුතු නිසා මෙම ආසාදිතයින් සොයා ගත හැකි වු බව ඒ මහතා පැවසීය.
මුල්ම ආසාදිතයාගේ අදාල දිනයන්හි හැසිරි ඇති ආකාරය සම්බන්ධයෙන් කළ විශ්ලේෂණයක් අනුව ඔහු පදිංචිව සිටි ගම්මානයේ පුද්ගලයින් 88 දෙනෙකු නිරෝධායනය සඳහා යොමු කළ බවත් එහිදි සිදු කළ පරීක්ෂණ අනුව මෙම රෝගීන් 10 දෙනා සොයා ගත් බවත් ඒ මහතා පැහැදිලි කළේය.
එම රෝගීන්ගේ කිසිදු රෝග ලක්ෂණයක් නොතිබුණ බවත් නමුත් ඇති වු සැකය මත එම පිරිසගෙන් 19දෙනෙකුගේ රුධිර සාම්පල පරීක්ෂා කළ බවත් එහිදි 10දෙනෙකුට මෙම වෛරසය ආසාධනය වී ඇති බව තහවුරු වූ බවත් ඒ මහතා ප්රකාශ කළේය.
