CNN, MS NOW සහ Politico යන මාධ්ය ආයතන, Donald Trump පරිපාලනය විසින් ඔවුන්ට ධවල මන්දිර පරිශ්රයට ඇතුළුවීම තහනම් කිරීමේ තීරණය යළි ක්රියාත්මක කිරීම වැළැක්වීම සඳහා තමන්ට ලබාදී ඇති තාවකාලික ආරක්ෂාව දීර්ඝ කරන ලෙස ෆෙඩරල් විනිසුරුවරයෙකුගෙන් ඉල්ලා තිබේ.
පසුගිය සතියේ එරට දිස්ත්රික් විනිසුරු Tim Kelly විසින් තාවකාලික නියෝගයක් නිකුත් කරමින්, CNN, MS NOW සහ Politico මාධ්යවේදීන්ගේ ධවල
මන්දිර මාධ්ය හැඳුනුම්පත් නැවත සක්රීය කරන ලෙස පරිපාලනයට නියෝග කළේය. එම හැඳුනුම්පත් මේ මස මුලදී අක්රිය කිරීම හේතුවෙන් මාධ්යවේදීන්ට ධවල මන්දිර පරිශ්රයට ඇතුළුවීමට නොහැකි වී තිබිණි.
මුලදී Trump පරිපාලනය තහනමට හේතුව ලෙස ඉදිරිපත් කළ ජාතික ආරක්ෂක කරුණු විනිසුරුවරයා පිළිගත්තේ නැත. කෙසේ වෙතත්, එම කරුණ සම්බන්ධයෙන් පරිපාලනය ඉදිරිපත් කිරීමට නියමිත අමතර සාක්ෂි සලකා බැලීමට ඔහු සූදානම් බව පවසා තිබේ.
මාධ්ය ආයතන පවසන්නේ පරිපාලනය අධිකරණය ඉදිරියේ ජාතික ආරක්ෂාව පිළිබඳ තර්ක ඉදිරිපත් කළද, Trump සහ අනෙකුත් නිලධාරීන්ගේ ප්රකාශවලින් තහනමට හේතුව ඔවුන්ගේ විවේචනාත්මක මාධ්ය ආවරණයට දඬුවම් කිරීම බව පැහැදිලි වන බවයි.
CNN ඇතුළු මාධ්ය ආයතනවලට පනවා ඇති ධවල මන්දිර තහනම යළි ක්රියාත්මක කිරීම වළක්වන ලෙස ඉල්ලීමක්
Share
Read more