ඇමෙරිකානු ජනාධිපති Donald Trump විසින් රුසියාව සහ යුක්රේනය බලශක්ති ක්ෂේත්‍රයට අදාළ සටන් විරාමයකට එකඟ වූ බව ප්‍රකාශ කිරීමෙන් පැය කිහිපයකට පසු රුසියාව යුක්රේනයේ බලශක්ති මධ්‍යස්ථාන හයකට ප්‍රහාර එල්ල කළ බව යුක්රේන ජනාධිපති Volodymyr Zelensky පවසයි.
මෙම සටන් විරාමය “වහාම ක්‍රියාත්මක වන” බව Trump ප්‍රකාශ කළ ද, රුසියාව යුක්රේනයේ ගෑස් මධ්‍යස්ථාන, බලශක්ති යටිතල පහසුකම් සහ වෙනත් ස්ථානවලට ප්‍රහාර එල්ල කළ බව Zelensky සඳහන් කළේය.
රුසියානු ප්‍රහාරයකින් විදුලිබල ජාලයට හානි සිදුවීම හේතුවෙන් යුක්රේනයේ Izyum නගරයේ විදුලි සැපයුම බිඳවැටීම් වාර්තා වූ බව යුක්රේන රාජ්‍ය පුවත් සේවය වන Ukrinform සඳහන් කළේය. එමෙන්ම, බටහිර යුක්රේනයේ බලශක්ති සහ දුම්රිය යටිතල පහසුකම් ද රාත්‍රියේ ප්‍රහාරවල ඉලක්ක බවට පත්ව තිබේ.
මේ අතර සටන් විරාමයක් මඟින් ලැබෙන “තාවකාලික සහනය” යුක්රේනයට හිමි නොවිය යුතු බව රුසියානු විදේශ අමාත්‍ය Sergei Lavrov ප්‍රකාශ කළේය.
ට්‍රම්ප් ප්‍රකාශ කළ සටන් විරාමයෙන් පසු රුසියාව යුක්රේනයේ බලශක්ති මධ්‍යස්ථාන හයකට ප්‍රහාර එල්ල කළ බව සෙලෙන්ස්කි කියයි
Share
Read more