මොංගෝලියාවේ ලැව්ගින්නෙන් හානි වූ ප්‍රදේශ යළි ගොඩනැඟීමට ජපානයේ සහාය

මොංගෝලියාවේ දැවැන්ත ලැව්ගින්නෙන් හානි වූ ප්‍රදේශ යළි යථා තත්ත්වයට පත් කිරීම සඳහා සහාය ලබාදීමට ජපාන අග්‍රාමාත්‍ය Takaichi Sanae ප්‍රතිඥා දී තිබේ.
ඒ, මොංගෝලියානු අග්‍රාමාත්‍ය Nyam-Osor Uchral සමඟ පැවැත්වූ දුරකථන සාකච්ඡාවකදීය.
නැගෙනහිර මොංගෝලියාවේ ස්වභාවික රක්ෂිතයක ඔක්තෝබර් 8 වැනිදා ආරම්භ වූ මෙම ලැව්ගින්න, ජපානයේ ප්‍රමුඛ විදුලි සංදේශ සමාගමක් වන KDDI හි එරට අනුබද්ධ සමාගමක ක්‍රියාකාරකම් සමඟ සම්බන්ධ වී ඇති බව එම සමාගම පැහැදිලි කර තිබේ. ඒ සම්බන්ධයෙන් සමාගම සමාව ද ප්‍රකාශ කර ඇත.
එමෙන්ම, වන සංරක්ෂණය සහ පාරිසරික සංරක්ෂණය පිළිබඳ විශේෂඥයන් පිරිසක් Japan International Cooperation Agency (JICA) හරහා මොංගෝලියාවට යවා ඇති බව ද Takaichi සඳහන් කර ඇත.