සමුද්‍රීය ගැටලු සම්බන්ධයෙන් කටයුතු කිරීමේදී ප්‍රවේශම් වන ලෙස චීනය පිලිපීනයට කියයි

චීනයේ ‍ස්වෛරීභාවය සහ භෞමික අඛණ්ඩතාව ආරක්ෂා කිරීමේ මෙන්ම ජාතික එක්සත්භාවය සාක්ෂාත් කර ගැනීමේ අධිෂ්ඨානය නොසැලෙන බව චීන විදේශ ඇමති වං යී පවසයි.
පිලිපීන විදේශ කටයුතු ලේකම් Maria Theresa Lazaro සමග ඊයේ(3) පැවති දුරකථන සංවාදයේ දී ඔහු මේ බව සඳහන් කළේය.
එහි දී “එක් චීනයක්” ප්‍රතිපත්තිය විශ්වාසනීය ලෙස ක්‍රියාත්මක කරන ලෙසත් සමුද්‍රීය ගැටලු සම්බන්ධයෙන් ප්‍රකාශ කිරීමේ දී සහ ක්‍රියාමාර්ග ගැනීමේ දී විචක්ෂණශීලී වන ලෙසත් වං යී පිලිපීනයෙන් ඉල්ලා සිටියේය.
වර්තමානයේ චීන-පිලිපීන සබඳතා ද්වේෂසහගත මැදිහත්වීම්වලට මුහුණ දී සිටී. එවැනි ක්‍රියා හරහා චීනයේ සීමාවන් ඉක්මවා යන බවත්, සාමාන්‍ය ආර්ථික, වෙළඳ සහ ජනතා හුවමාරු දේශපාලනීකරණය කිරීමක් ඉන් සිදුවන බවත් වං යී පෙන්වා දුන්නේය. 
එහි දී Maria Lazaro පැවසුවේ පිලිපීනය චීනය සමග පවතින සබඳතාවලට විශාල වැදගත්කමක් ලබා දෙන බවයි.