2026 මුල් මාස නවයට චීනයේ සේවා වෙළඳාමේ කැපී පෙනෙන වර්ධනයක්

මෙම වසරේ මුල් මාස නවය තුළ චීනයේ සේවා වෙළඳාමේ වර්ධනය පිළිබඳව චීන වාණිජ අමාත්‍යාංශයේ සේවා වෙළඳ දෙපාර්තමේන්තුවේ ප්‍රධානියා දත්ත ඉදිරිපත් කරයි. 
මෙම කාලසීමාව තුළ, චීනයේ සේවා ආනයන සහ අපනයනවල මුළු වටිනාකම යුවාන් බිලියන 5768.77ක් දක්වා ළඟා වූ අතර, එය පෙර වසරට සාපේක්ෂව 8.5%ක වර්ධනයක් වාර්තා කර ඇත. විශේෂයෙන්, අපනයන වටිනාකම යුවාන් බිලියන 2271.4ක්  වූ අතර, එය වාර්ෂික 14.8%ක වැඩිවීමකි. ආනයන වටිනාකම වාර්ෂිකව 4.8%කින් වැඩි වී යුවාන් බිලියන 3497.37ක් දක්වා වැඩි විය. සේවා වෙළඳ හිඟය යුවාන් බිලියන 1226ක් පමණ ලෙස වාර්තා වූ අතර, එය පසුගිය වසරේ අදාළ කාලසීමාවට සාපේක්ෂව යුවාන් බිලියන 132.66කින් අඩු වී තිබේ. 
විවිධ අංශ අතරින් ප්‍රවාහන සේවා අංශයේ ආනයන සහ අපනයන  වටිනාකම වේගවත්ම වර්ධනයක් පෙන්නුම් කරයි. එහි වටිනාකම යුවාන් බිලියන 1281.72ක් වූ අතර, එය 33.9%ක වර්ධනයකි. 
දැනුම මත පදනම් වූ සේවා අපනයන ද කැපී පෙනෙන වර්ධනයක් අත්කර ගෙන ඇත. ජනවාරි සිට සැප්තැම්බර් දක්වා කාලය තුළ එම සේවාවල ආනයන සහ අපනයනවල මුළු වටිනාකම 7.4%කින් ඉහළ ගියේය. එහි වටිනාකම සමස්ත සේවා වෙළඳ පරිමාවෙන් 43.9%ක කොටසක් අත්කර ගනී.