මිලියන 20ක්වූ ශ්රී ලාංකිකයන්ට ඊ-හෙල්ත් කාඩ්පත තවත් මාස 09කින් නිකුත් කිරීමට සූදානම් බව සෞඛ්‍ය, පෝෂණ හා දේශීය වෛද්‍ය අමාත්‍ය රාජිත සේනාරත්න පැවසීය.
දියුණු තාක්ෂණය සෞඛ්‍ය සේවාවට රැගෙනවිත් තිබෙනවා. ඊ-හෙල්ත් ව්‍යාපෘතිය හොරණ රෝහලෙන් ආරම්භ කළා. විදේශීය සමාගමක් මට ආයෝජනයක් ගෙනත් දුන්නා සියලුම රෝහල් මාස 04 කින් ඊ-හෙල්ත් ව්‍යාපෘතියට ඇතුලත් කිරීමට. තවත් මාස 09 කින් ලංකාවේ සියලුම ජනතාවට ඊ-හෙල්ත් කාඩිපත ලාබදීමට එම සමාගම සුදානම්.
2030 වසර වනවිට ජාන තාක්ෂණ වෛද්‍ය විද්‍යාව ලොව පුරා ව්‍යාප්ත වන බවත් ශ්රී ලංකාව ද ඊට සුදානම් විය යුතු බවත් සෞඛ්‍ය අමාත්‍ය රාජිත සේනාරත්න මහතා වැඩිදුරටත් සදහන් කළා.
අමාත්‍යවරයා මේ බව පැවසුවේ ශ්රී ලංකා රජයේ වෛද්‍ය රසායනාගාර විද්‍යාඥයන්ගේ සංගමයේ 61 වැනි වාර්ෂික සැසිවාරයට එක්වෙමිනි.
