ඊයේ (22) දිනයේ දී මෙරටින් කොවිඩ් නයින්ටීන් ආසාදිතයින් 428ක් හඳුනාගෙන තිබේ.
එම ආසාදිතයින් අතරින් වැඩිම ආසාදිතයින් පිරිසක් කළුතර දිස්ත්‍රික්කයෙන් වාර්තා වී ඇති අතර එම සංඛ්‍යාව 193ක් බව කොවිඩ් – 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය සඳහන් කරයි.
කොළඹ දිස්ත්‍රික්කයෙන් ආසාදිතයින් 101ක්, ත්‍රිකුණාමලය දිස්ත්‍රික්කයෙන් 42 ක් වාර්තා වී තිබේ.
ගම්පහ දිස්ත්‍රික්කයෙන් ආසාදිතයින් තිදෙනෙක් පමණක් ඊයේ දිනයේ දී වාර්තා වී තිබේ.
ඒ අනුව මෙරට සමස්ත කොවිඩ් නයින්ටීන් ආසාදිතයින් ගණන 38,058ක් දක්වා ඉහළ ගොස් ඇත.
