උසස් අධ්‍යාපන හා මහාමාර්ග අමාත්‍යාංශයත් මාර්ග සංවර්ධන අධිකාරියත් එක්ව සංවිධානය කරන මාර්ග සති 09 වන අදියර – උසස් අධ්‍යාපන හා මහාමාර්ග අමාත්‍ය ලක්ෂ්මන් කිරිඇල්ල මහතාගේ ප්‍රධානත්වයෙන් ‘‘පාතදුම්බර පුබුදුව’’ වැඩසටහනේ සමාරම්භක උත්සවය පසුගිය දා පැවැත්විණි.
පන්විල සහ පාතදුම්බර ප‍්‍රාදේශීය ලේකම් කොට්ඨාස කේන්ද්‍ර කරගනිමින් ලබන 21 දින දක්වා මාර්ග 193ක සංවර්ධන ව්‍යාපෘති ක්රියාත්මක වන බවත් ඒ වෙනුවෙන් රු.ලක්ෂ දහසක මුදලක් වෙන්කර තිබේ. ඊට සමගාමීය සුබසාධක ව්‍යාපෘති රැසක්ද ක්රියාත්මක කෙරේ.
මෙම අවස්ථාවට මහනුවර දිස්ත‍්‍රික් පාර්ලිමේන්තු මන්ත‍්‍රී වේලූ කුමාර් මහතා , ලකී ජයවර්ධන මහතා , මධ්‍යම පළාත් සභා මන්ත‍්‍රී චානක අයිලප්පෙරුම මහතා, වත්තේගම නාගරික මන්ත‍්‍රී අරුණ අමුණුගම, නිශ්ශංක විජේනායක යන මහත්වරුන් ඇතුළු විශාල පිරිසක් සහභාගී වූහ.
