මියන්මාරයේ සිදුවූ භූ කම්පනයෙන් මියගිය පුද්ගලයන් ගණන 3000 ඉක්මවා තිබෙනවා.
තුවාල ලැබුවන් ද 2500කට අධිකයි.
අත්‍යාවශ්‍ය ඖෂධ ඇතුලු උපකරණවල බරපතල හිඟයක් පවතින බවයි වාර්තා වන්නේ.
මෙවැනි පසුබිමක තාවකාලික සටන් විරාමයක් ප්‍රකාශයට පත් කිරීමටද එරට හමුදා පාලනය තීරණය කර තිබෙනවා.
ඒ අනුව අප්‍රේල් 2 සිට 22 වනදා දක්වා මෙම සටන් විරාමය ක්‍රියාත්මකයි.
භූ කම්පනයෙන් විපතට පත්වූවන්ට සහන සැලසීම කඩිනම් කිරීම මෙම සටන් විරාමයේ අරමුණයි.
