බස් රථය නිසි ලෙස නඩත්තු නොකිරීමේ චෝදනාව මත පුද්ගලයෙකු අත්අඩංගුවට ගෙන ඇත. අත්අඩංගුවට ගත් සැකකරු තංගල්ල ප්‍රදේශයේ පදිංචිකරුවෙක්.
පසුගිය සිකුරාදා සිදුවූ එම බස් අනතුරෙන් පුද්ගලයන් 15 දෙනෙකු මිය ගිය අතර, බසයේ ගමන්ගත් 17 දෙනෙකු සහ ඔවුන් බේරා ගැනීමට පැමිණි තවත් දෙදෙනෙකු තුවාල ලබා තිබෙනවා. මියගිය අයගෙන් 12 දෙනෙක් තංගල්ල නගර සභාවේ සේවකයන් වූහ. ඔවුන් විනෝද චාරිකාවක් යමින් සිටියදී මෙම අනතුර සිදුවූ අතර, බස් රථයේ රියදුරා ද අනතුරින් මිය ගොස් තිබෙනවා.
මේ අතර, අනතුරට පත් බස් රථයේ කොටස් ඊයේ (09) මෝටර් රථ ප්‍රවාහන දෙපාර්තමේන්තුවේ නිලධාරීන් කණ්ඩායමක් විසින් පරීක්ෂා කළ අවස්ථාවේ මෝටර් රථ කොමසාරිස් ජනරාල් කමල් අමරසිංහ මහතා සඳහන් කළේ, ඔවුන්ගේ වාර්තාව සතියක් ඇතුළත තමා වෙත ලැබෙනු ඇති බවයි.
