2025.09.26
බස්නාහිර, සබරගමුව, වයඹ, දකුණ, මහනුවර, සහ නුවරඑළිය යන ප්‍රදේශවලට විටින් විට වැසි ලැබෙන අතර, විශේෂයෙන් බස්නාහිර, සබරගමුව, වයඹ, ගාල්ල, මාතර, මහනුවර සහ නුවරඑළිය දිස්ත්‍රික්කවල ඇතැම් ස්ථානවලට මිලිමීටර් 100 ඉක්මවන තද වැසි ඇතිවිය හැක.
මීට අමතරව, උතුරු-මැද පළාත, මාතලේ, මන්නාරම සහ යාපනය දිස්ත්‍රික්කවලටද සුළු වැසි ඇතිවිය හැක.
කඳුකරයේ බටහිර බැවුම් ප්‍රදේශ, මධ්‍යම, උතුරු, උතුරු-මැද, වයඹ, ත්‍රිකුණාමලය සහ හම්බන්තොට දිස්ත්‍රික්කවලට පැයට කිලෝමීටර් 40ත් 50ත් අතර තද සුළං ඇතිවිය හැකි බැවින්, ඒ පිළිබඳව අවධානයෙන් සිටින ලෙසට ජනතාවට දැනුම් දෙයි.
මෙම තද සුළං හේතුවෙන් සිදුවිය හැකි අනතුරු අවම කරගැනීමට අවශ්‍ය පියවර ගන්නා ලෙසටද කාලගුණ විද්‍යා දෙපාර්තමේන්තුව ජනතාවගෙන් ඉල්ලා සිටී.
