මාවිල්ආරු ජලාශයේ වැව් බැම්ම මතින් ජලය පිටාර යෑම හේතුවෙන් වහාම පියවර ගෙන ඒ අවට ප්‍රදේශවල පදිංචි ජනතාව ආරක්ෂිත ස්ථාන වෙත ඉවත් කිරීමට කටයුතු කර ඇති බව නැගෙනහිර පළාත් ආණ්ඩුකාර ජයන්ත ලාල් මාධ්‍ය හමුවේ ප්‍රකාශ කර තිබෙනවා. කෙසේ වෙතත්, ආණ්ඩුකාරවරයා විශේෂයෙන් අවධාරණය කරන්නේ මේ වන විටත් වැව් බැම්ම බිඳී යෑමක් සිදුව නොමැති බවයි. එබැවින්, ඒ සම්බන්ධයෙන් පැතිර යන සාවද්‍ය ප්‍රචාරයන්ට නොරැවටෙන ලෙසත්, ආරක්ෂක අංශ සමඟ සම්බන්ධීකරණයෙන් කටයුතු කරන ලෙසත් ඔහු ජනතාවගෙන් ඉල්ලා සිටිනවා.
