දිට්වා සුළි කුණාටුව හේතුවෙන් තාවකාලිකව නතර කෙරුණු අපොස උසස් පෙළ විභාගයේ ඉතිරි විෂයන් අද (ජනවාරි 12) සිට ලබන 20 වනදා දක්වා දිවයින පුරා මධ්යස්ථාන 2,086කදී යළි පැවැත්වීමට නියමිතයි. විභාග කටයුතු පහසු කිරීම සඳහා සම්බන්ධීකරණ මධ්යස්ථාන 325ක් සහ ප්රාදේශීය මධ්යස්ථාන 32ක් ස්ථාපිත කර ඇති අතර, විභාගය ආරම්භ වීමට පැයකට පෙර මධ්යස්ථාන වෙත පැමිණෙන ලෙස අපේක්ෂකයින්ට දැනුම් දී තිබෙනවා.
එමෙන්ම, ආපදා තත්ත්වය නිසා හැඳුනුම්පත් හෝ ප්රවේශ පත්ර අස්ථානගත වූ සිසුන් සිටී නම්, ඔවුන්ගේ අනන්යතාව තහවුරු කරගෙන විභාගයට පෙනී සිටීමට අවශ්ය විශේෂ පහසුකම් සලසා ඇති බව විභාග කොමසාරිස් ජනරාල් ඉන්දිකා කුමාරි වැඩිදුරටත් අවධාරණය කර තිබෙනවා.
