Falkland දූපත් සම්බන්ධයෙන් බ්රිතාන්යයේ ස්වෛරීභාවයට ඇමෙරිකාව දක්වන සහාය තවදුරටත් පවත්වාගෙන යන්නේද යන්න පිළිබඳව සලකා බලමින් සිටින බව ඇමෙරිකා ජනාධිපති ඩොනල්ඩ් ට්රම්ප් ඉඟි කර තිබේ. මෙම පියවර වොෂින්ටනය සහ ලන්ඩනය අතර පවතින “විශේෂ සබඳතාවට” දැඩි බලපෑමක් එල්ල කළ හැකි බව විදෙස් මාධ්ය වාර්තා කරයි.
“මම සෑම ස්ථාවරයක්ම සෑම විටම සමාලෝචනය කරනවා. මෙයත් එවැනි බොහෝ කරුණු අතරින් එකක්,” යනුවෙන් ඇමෙරිකා ජනාධිපතිවරයා මාධ්යවේදීන් අමතමින් පැවසීය.
දකුණු අත්ලාන්තික් සාගරයේ පිහිටි මෙම දූපත් සම්බන්ධයෙන් ඇමෙරිකාවේ ස්ථාවරය යළි සලකා බලන්නේ දැයි කළ ප්රශ්නයකට පිළිතුරු දෙමින් ඔහු එසේ ප්රකාශ කළේය.
Falkland දූපත්හි ස්වෛරීභාවය සම්බන්ධයෙන් දීර්ඝ කාලයක් තිස්සේ මතභේදයක් පවතින අතර, එම දූපත් තම ස්වෛරී භූමියක් බවට ආර්ජන්ටිනාව ද පවසයි.
