සාම්ප්‍රදායික වෛද්‍ය විද්‍යාව පිළිබඳ 2026 ලෝක සම්මේලනය ඊයේ (17) චීනයේ බෙයිජිං නුවරදී ආරම්භ විය. මෙම සම්මේලනය “තාක්ෂණය ඔස්සේ සවිබල ගැන්වීම සහ ඒකාබද්ධ සංවර්ධනය පෝෂණය කිරීම: සැමට සාම්ප්‍රදායික වෛද්‍ය ක්‍රම වෙත ප්‍රවේශය ප්‍රවර්ධනය කිරීම” යන තේමාවෙන් පැවැත්වේ.
ප්‍රායෝගික අත්දැකීම් හුවමාරු කර ගැනීමට සහ සහයෝගීතාව පිළිබඳ එකඟතාවක් ගොඩනඟා ගැනීමට, ලොව පුරා රටවල් සහ කලාප 90කට අධික සංඛ්‍යාවකින් නියෝජිතයෝ දහස් ගණනක් මෙම අවස්ථාවට සහභාගි වූහ.
මෙම සමුළුව අතරතුර රටවල් සහ කලාප 44ක කථිකයන් විසින් උසස් මට්ටමේ ඉදිරිපත් කිරීම් 154ක් සිදු කිරීමට නියමිත අතර, අන්තර්ක්‍රියාකාරී සාකච්ඡා රැසක් ද පැවැත්වීමට නියමිතය. මෙහිදී සාම්ප්‍රදායික හා නවීන වෛද්‍ය විද්‍යාව ඒකාබද්ධ කිරීම ඇතුළු ක්ෂේත්‍ර කිහිපයක් ඔස්සේ සාකච්ඡා පැවැත්වේ. සාම්ප්‍රදායික චීන වෛද්‍ය ක්‍රමය නිදසුනක් ලෙස ගනිමින්, ලොව පුරා සාම්ප්‍රදායික වෛද්‍ය ක්ෂේත්‍රයේ සිදුව ඇති නවතම වර්ධනයන් මෙම සමුළුව මගින් ප්‍රදර්ශනය කෙරේ.
Share
Read more