හිටපු ආරක්ෂක ලේකම් ගෝඨාභය රාජපක්ෂ මහතාට එ‌රෙහිව ගොනු කර ඇති නඩුව දෙසැම්බර් මස 04 වන දින සිට අඛණ්ඩව දිනපතා විභාගයට ගැනීමට ත්‍රිපුද්ගල විශේෂ මහාධිකරණය අද (09) නියොග කර තිබේ.
වීරකැටිය මැදමුලන ඩී.ඒ. රාජපක්ෂ අනුස්මරණ කෞතුකාගාරය ඉදි කිරීමේදී රජයේ මුදල් අවභාවිත කල බව කියන සිද්ධිය සම්බන්ධයෙන් ත්‍රිපුද්ගල විශේෂ මහාධිකරණය හමුවේ හිටපු ආරක්ෂක ලේකම් ගෝඨාභය රාජපක්ෂ මහතාට එ‌රෙහිව මෙම නඩුව ගොනු කර ඇත.
එම නඩුවට පෙනී සිටීම සඳහා අද උදෑසන හිටපු ආරක්ෂක ලේකම්වරයා අධිකරණයට පැමිණ සිටි අතර, ඉන් අනතුරුවයි ත්‍රිපුද්ගල විනිසුරු මඩුල්ල අදාළ තීන්දුව නිකුත් කළේ.
