කථානායකවරයා විසින් ජනාධිපතිවරයාට පැවරී තිබෙන බලය අභියෝගයට ලක්කිරීමට යෑම හේතුවෙන් ජනාධිපතිවරයා පත්කළ ආණ්ඩුව අකර්මන්‍ය වී තිබෙන බව පාර්ලිමේන්තු මන්ත්‍රී වාසුදේව නානායක්කාර මහතා පැවසීය.
ඒ මහතා මේ බව පැවසුවේ ඊයේ (12) පැවති මාධ්‍ය සාකච්ඡාවකදීය.
ජනාධිපතිවරයාට පැවරී තිබෙන බලතලවලට අභියෝග කිරීමට කථානායකවරයාට අයිතියක් නොමැති බවත්, ඔහු එසේ කිරීමෙන් අභියෝග කරන්නේ ව්‍යවස්ථාවට බවත් ඒ මහතා වැඩ්දුරටත් පැවසීය.
කථානායකවරයාගේ මෙම ක්‍රියා කලාපය හේතුවෙන් එක්සත් ජාතික පක්ෂයේ කුමන්ත්‍රණය හෙළි වූ බවත්, මීට අමතරව ඔහු එක්සත් ජාතික පක්ෂ නියෝජිතයෙකු ලෙස වැඩකරන බවට තහවුරු වූ බවත් මන්ත්‍රිවරයා පැවසීය.
