ප්‍රබල අකුණු පිළිබඳ අනතුරු ඇඟවීමේ රතු නිවේදනයක් කාලගුණ විද්‍යා දෙපාර්තමේන්තුව විසින් නිකුත් කර තිබේ.
ඒ අනුව සබරගමුව, මධ්‍යම, ඌව සහ උතුරු මැද පළාත්වලත් කොළඹ, කළුතර සහ කුරුණෑගල දිස්ත්‍රික්කවලත් තැනින් තැන සවස් කාලයේ හෝ රාත්‍රී කාලයේ ගිඟුරුම් සහිත වැසි ඇති වෙයි.
එත් සමඟම ප්‍රබල අකුණු ද ඇති වීමේ වැඩි හැකියාවක් පවතින බවද කාලගුණ විද්‍යා දෙපාර්තමේන්තුව පවසයි.
ගිඟුරුම් සහිත වැසි සමඟ පැයට කිලෝමීටර 70-80 ක පමණ කෙටිකාලීන තද සුළං ද ඇති වෙයි.
තද සුළං හේතුවෙන් ගස් හා විදුලි රැහැන් ඇඳ වැටීමට ඉඩ ඇති බැවින් ඒ පිළිබඳව සැලකිලිමත් වන ලෙසත් කාලගුණ අංශ ජනතාවට දන්වයි.
